Þann 26. desember 2004 urðu náttúruhamfarir í Suður-Asíu sem teljast með þeim mannskæðustu í sögunni. Alþjóða Rauði krossinn sendi strax sama dag út hjálparbeiðni og á síðustu dögum ársins héldu fyrstu tveir sendifulltrúar Rauða kross Íslands til starfa á svæðinu, einn til að meta þörf fyrir áfallahjálp, annar til að taka þátt í samhæfingu aðgerða með skýrslugerð. Fyrir á svæðinu var þriðji sendifulltrúinn að störfum við þróunarsamvinnu.
Neyðaraðstoð í kjölfar Tsunami einkenndi störf sendifulltrúa Rauða kross Íslands á árinu 2005 en Rauða kross hreyfingin tók strax þátt í björgunaraðgerðum og síðar í uppbyggingarstarfi í löndunum við Indlandshaf.
Á árinu 2006 skipulögðu sendifulltrúar Rauða kross Íslands sálfélagslega þjónustu við fórnarlömb Tsunami á Sri Lanka og tóku þátt í uppbyggingu heilsugæslu ásamt því að skipuleggja almennt hjálparstarf í Acehéraði á eynni Súmötru í Indónesíu.
 |
Elín Jónasdóttir sálfræðingur starfaði á Sri Lanka sem verkefnisstjóri í sálfélagslegri aðstoð á austurhluta eyjarinnar frá 26.janúar til 14. júlí 2005. Hún kom þar upp skrifstofu, réði starfsfólk og þjálfaði sjálfboðaliða í áfallahjálp. Verkefnið var unnið í samvinnu við danska Rauða krossinn. |
 |
Hlér Guðjónsson guðfræðingur starfaði við samhæfingu aðgerða með skýrslugerð á Srí Lanka á vegum Alþjóðasambands Rauða krossins og Rauða hálfmánans (IFRC) frá 31.desember 2004 til 20. janúar 2005. |
 |
Kolbrún Þórðardóttir hjúkrunarfræðingur og kennari starfaði sem verkefnastjóri sálfélagslegrar þjónustu í austurhluta Sri Lanka frá 1. júlí 2005 til 5. júlí 2006. Verkefnið var unnið í samvinnu við danska Rauða krossinn. |
 |
Maríanna Csillag hjúkrunarfræðingur starfaði með teymi norska Rauða krossins að heilsugæslu á Sri Lanka frá 11. janúar til 11. mars 2005. |
 |
Sólveig Ólafsdóttir MA í alþjóðastjórnmálum og blaðamennsku starfaði á Sri Lanka frá 5. júní til 20. desember 2005 með Alþjóðaráði Rauða krossins (ICRC) við upplýsingaöflun og upplýsingaveitu. |
 |
Þorkell Þorkelsson ljósmyndari fór í starfsferð til Indónesíu og Sri Lanka fyrir Rauða kross Íslands og Alþjóðasamband Rauða krossins og Rauða hálfmánans (IFRC). Ljósmyndir Þorkels voru birtar í riti Alþjóðasambandsins og voru notaðar við upplýsingagjöf til almennings á Íslandi. Myndir Þorkels frá flóðasvæðunum voru valdar sem besta myndaröð ársins 2005 á ljósmyndasýningu blaðaljósmyndarafélags Íslands. Þorkell vann að verkefninu frá 15. september til 15. október 2005. Þorkell var á ferð í Aceh héraði í september 2005 með Maude Fronberg upplýsingafulltrúa Alþjóða Rauða krossins. Grein eftir hann og myndir Þorkels 23.11.2005 |