Félagsleg verkefni

• Sönghópurinn Friðarliljurnar

Fyrir jólin árið 2003 tóku nokkrar Rauðakrosskonur sig saman og sungu fyrir heimilisfólkið í Víðihlíð við mikla ánægju áheyrenda. Í framhaldi af þessari uppákomu var stofnaður sönghópur sem síðar hlaut nafnið Friðarliljurnar. Friðarliljurnar hafa síðan í ágúst 2004 sungið fyrir heimilisfólkið í Víðihlíð einu sinni í mánuði auk þess sem þær hafa tekið lagið við ýmis tækifæri á öðrum vettvangi. Frá 2008 hafa þær sungið með eldri borgurum Reykjanesbæjar í Reykjaneshöllinni einu sinni í mánuði, fyrir heimilisfólkið á Hlévangi í Reykjanesbæ og á Garðvangi í Garðinum.

• Innflytjenda-verkefni s.s. kaup á bókum á erlendum málum fyrir bókasafn og kaup á íslenskuspilinu fyrir bókasafn og skóla.
• Jólakonfekt til eldri borgara. Jólakort unnin af grunnskólabörnum og send eldri borgurum í Grindavík.
• Stuðningur við sameiginlegar sumarbúðir Rauða krossins.

Kynningarstarf

• Útgáfa fréttabréfs.
• Heimasíða.
• Bangsar merktir deildinni gefnir í sjúkrabifreið til barna sem þurfa sjúkraflutning.
• Kynningardagur og 112 dagurinn; áhersla er lögð á kynningu á deildinni, verkefnum Rauða krossins og sjálfboðaliðum safnað.

Forvarnir og fræðsla

• Leikskólabörnum boðið í heimsókn. Þau horfa á Hjálpfús og fá um leið fræðslu um Rauðakrossstarfið. Síðan  stutta sýnikennslu í skyndihjálp – stöðva blóðnasir- og skoðunarferð um sjúkraflutningabílinn. Að lokum er börnunum gefin endurskinsmerki.
• Samstarf um ýmis verkefni sem unnin eru með Grunnskóla Grindavíkur, en einnig er skólinn styrktur með peningagjöf til kaupa á einhverju sem ungmennin telja nauðsynlegt. Meðal þess sem keypt hefur verið er bingóvél, 2 töfl, 2 gítarar og sófi.

Fjáröflunarverkefni

• Göngum til góðs til styrktar börnum sem eiga um sárt að binda vegna náttúruhamfara eða stríðsátaka. Verkefnið framkvæmt annað hvert ár.
• Tombólur til styrktar verkefna með börnum.